 Menu Gran Festa da
d'Istà
- Bira 0,40
- 1Liter de Bira
- 0,20 Bira
- 0,30 Bira Weizen
- Suches
- Suches de fruc
- 1/2L èga minerala
- Vin te bicer
- Bacardi Breezer
- Égadevita
- Sones e fortaes
- Gialina
- 1/2 Gialina
- Pomes de tera fric
- Cròfegn con porcheta
- Cròfegn con liènia o costina
- Speisa da tendon: polenta, formai, crauc e lienies o costines
o porcheta o caré
- Polenta e pria
I rèzipes de la golosarìes
de la Gran Festa da d'Istà
da: Maria Teresa Capaldi, Sergio Rossi,
La ola e la segosta. Magnères da zacan, Collana a cura
di Maria Teresa Capaldi, 1998
Fortaes
 La fortaes i les fajea de mèrtesc de carnascèr.
Descheche scrif Simon de Giulio l’era usanza
ge n portèr ai pèstres sa mont da Sèn
Piere e Paul, ai 29 de jugn. Al dì d’anché no
les mencia mai te na festa o na sègra de paìsc.
Per
6 persones:
300 gr. di farina
3 eves
1 chìchera de lat
sèl
ele de semi o de olif
zucher a vel
Rompì i eves te na scìssela,
jontage ite na pizèda
de sèl
e l lat. Trajé ite la farina tamejèda, mescedan con n scuier de
legn, fin canche vegn na pastela no massa lujia.
Fajé sciudèr te
na fana de fèr dotrei scuieres de ele e canche l'é fers,
trajé ite la pastela: fajela degorer da n orel che farede jir entorn a
cerchie da te mez fin sun or a na moda che la fortaa la vegne bela a torcelin.
Ujela
e fajela doventèr bela rossa da duta doi la mans. Servila ciauda,
con zucher a vel soravìa. |
Sones da pomes
de èlber
 Chestes se les fajea ti moments bie de la vita, canche
doi se maridèa, da vèlch cedean, da carnascèr,
da la sègra o da la festa granes. Se les magnèa
da soules o apede n piat se supa.
Per 6 persones:
250 gr. de farina
2 dl. de lat
3 eves
sèl
5 pomes de èlber
zucher
canela
ele
Scassà i eves te na scìssela co na
pizèda de sèl,
l lat e la farina tamejèda fin canche vegn na pastela no massa lujia che
lasciarede da na man a pussèr per doi ores.
Enterdèna fietà sù i pomes no massa sotii. Enjignà cà na
fana che no taca con ite ele e canche l sarà fers, rostì la fietes
de pom tonchèdes dant una a l'outa te la pastela.
Canche les sarà bela rosses, toleles fora te n piat e coriles col zucher,
e, se ve sà bon, co la canela. |
|
